Kósý jól
Fyrir margt löngu eignaðist ég geisladisk með hljómsveitinni Kósý sem var vinsæl hér um árið. Þetta er ennþá uppáhalds aðventudiskurinn minn. Ekki fer mikið fyrir hátíðleika heldur er áhersla lögð á glens og gaman. Diskurinn inniheldur meðal annars lögin Rokkum rykið af jólunum, Jól á Hawai og Satisfaction. Hann er orðinn jafnstór hluti af jólunum eins og jóladiskurinn með Richard Kleiderman (?) sem pabbi heimtar alltaf að sé á fóninum undir borðhaldi á aðfangadagskvöld. Vonandi eigið þið líka Kósý jól!