fimmtudagur

Allir í blöðunum
Lesendur Morgunblaðsins hafa væntanelga rekið augun í ægifögur og augsýnilega hamingjusöm brúðhjón á síðum blaðsins í dag, fimmtudag. Svo er líka mynd af afa mínum heitnum í Fréttablaðinu, situr þar við borðsenda alvarlegur á svip.

miðvikudagur

Geðveikt mikið hjón eitthvað
Í gær eignuðumst við Guðni eins regnjakka. Alveg eins og fólkið á Ægissíðunni sem vill sko að allir viti að þau séu annaðhvort hjón eða tvíburar eða bara bæði. Og nú vantar okkur bara hund og línuskauta og þá værum við fullkomin í klysjunni. Reyndar voru það mamma og pabbi sem gáfu okkur jakkana sem höfðu skömmu áður verið gefnir þeim og við Guðni erum of fátæk til að vera vandfýsin. Svo eru þetta líka flottir jakkar. Takk!