Rangt með farið
Vegna nýlegra ummæla Guðna Más um að ég hafi ekið á 130km hraða á malarvegi með ömmu hans í aftursætinu vil ég taka fram að þetta er helber lygi og uppspuni af hans hálfu og hef ég farið fram á að hann dragi orð sín til baka formlega. Ég fór ekki kílómeter yfir 90. Það er bara útaf því að hann var svo svekktur yfir að missa þennan skitna hjólkopp sem hann finnur sig knúinn til að skrökva. Það er ljótt að ljúga svona Guðni, og það er örugglega útaf slæmu karma sem þú þarft að loka síðunni þinni. Haha!

Lögmál Murphy
Ég byrja í æfingakennslu á morgun. Allt í lagi með það. Búin að undirbúa fína kennslustund um letidýr. Nema hvað, ég er með þessa líka rokkna hálsbólgu og kem ekki út úr mér orði án þess að hljóma eins og unglingsdrengur í mútum. Verð þá bara í stíl við strákahópinn sem ég er að fara að kenna.